මුහුණුපොතේ මිතුරු මිතුරියන් සමග පැවැත්වූ සුමධුර ධර්ම දේශනය

ඉතින් පින්වත් යහලවුනේ අපි ඊයෙ (2013/09/25) සුමධුර ධර්ම දේශනාවක් පැවැත්තුව. ඒකට පූර්ණ දායකත්වය දුන්නෙ බහරේන් වල රැකියාවේ නියුතු මුහුණුපොතේ මගෙ අම්ම වෙච්ච මගෙ මන්ජු අක්කයි. ඒත් එක්ක ධර්මාසනයක් පූජ කල. එයත් මුහුණුපොතේ මගෙ අයිය කෙනෙක්. එයාගෙ නම සරත් කුමාර අයිය. ඊලගට අපි දිලිදු දරුවො හතලිහකට පමණ පාසැල් ඇදුම් අරන් දුන්න. ඒ සදහා

1.ලයනල් ගුනතිගක මහතා

2. දිනුෂ විජේතුන්ග මහතා

3.රුවන් එස්. ජයසිංහ මහතා

4.නෙව්ශිකා හේරත් මිය

5.චාමර මහතා

6.මගෙ මංජු අක්ක වගේම එයාගෙ යාලුවො ටික.

රුවන් හෙට්ටිආරච්චි හා මනෝරි දමයන්ති හෙට්ටිආරච්චි යුවල නදුන් සිල්වා හා නෙහාරා සදමාලි සිල්වා

රන්ජිත් මුණසිංහ , රේණුකා හේරත් රත්න මැද්දෙගොඩ හා චමිලා මැද්දෙගොඩ කියන මේ අය මුදල් ලබා දුන්න. මේ පිලබද වෙනම පොස්ට් එකක් දානව. ඒ නිසා මෙතන මුදල් ප්‍රමාණයන් දාන්නෙ නැහැ.

ධර්ම දේශනය වීඩියෝ කලානෙ. මෙන්න ඒක ...

https://www.youtube.com/watch?feature=player_embedded&v=AtttMcPnp1o

ඔය ඩීඩියෝ එක මට පුලුවන් අයුරින් සිදුකලා. අඩුපාඩු තියෙනව. සමාවෙන්න.

මේ වෙනුවෙන් උදව් වූ මගෙ සයලුම යාලුවන්ට මේ පින් හිමිවේවා.

පින්වත් යාලුවනේ බුදු හාමුදුරුවො දේශනා කරන්නෙ ධර්මදානයේ ඵල විපාක මෙච්චරය කියන්න බැහැ.

සබ්බ දානං ධම්ම දානං ජිනාති

ධර්ම දානය හා සමකල හැකි කිසිද දානයක් නෑ.

ධර්ම දානය උතුම් බවත් එහි ආනිසංස පහක් බවත් දේශනා පාලියෙහි සඳහන්ව තියෙනව.

1. බොහෝ දෙනාට පි‍්‍රය වීම (බහුනො ජනස්ස පියො හොති)

2. සත්පුරුෂ ආශ්‍රය ලැබීම (සප්පුරිසො භජන්ති)

3. කීර්තිය පැතිරීම (කල්‍යාණොකිත්ති සද්දො අභුග්ග චඡති)

4. ගිහි ධර්ම කෙළසා නොගැනීම (ගිහි ධම්මො අන පෙනා හොති)

5. දෙව්ලොව ඉපදීම (පරම්මරණා සුගතිං සග්ගං ලොකං උප්පජ්ජති)

ධර්ම දානය කරන ක්‍රම කිහිපයක්ම තියෙනව. මේ බලන්න.

1. ධර්ම දේශනා කිරීම

2. ධර්ම දේශනා කරවීම හා ධර්ම පූජා පැවැත්වීම

3. දහම් පොත් පත් සඟරා මුද්‍රණය කර බෙදා හැරීම

4. ධර්මය ඉගැන්වීම

5. පිරිස් වලට බණපොත් කියවීම

6. අන්‍යයන් ශීලයෙහි ගුණයෙහි පිහිටුවීම

7. දරුවන්ට ධර්මය උගන්වා ධර්ම දේශකයන් කරවීම

8. ධර්ම දේශක භික්ෂූන්ට දහම් පොත් පත්, තෙල් පහන්, බෙහෙත්, වාහන, මුද්දර, ගමන්පහසු, විජිනි පත් හා සිවුපසය ආදිය සැපයීම

9. ධර්මය ඉගෙන ගන්නා භික්ෂූන්ට දහම් පොත් පත් තීන්ත පෑන් කඩදාසි තෙල් පහන් හා සිව්පස දීම

10. ඉරුදින දහම් පාසල් පිහිටුවීම, පවත්වාගෙන යාම, ධර්මය ඉගෙන ගන්නා ළමයින්ට තෑගි බෝග දී උනන්දු කරවීම, ඇඳුම් පැළඳුම් පොත් පත් දීම

11. ධර්ම දේශකයන් වහන්සේලාට අවශ්‍ය වියදම් දීම,

12. ධර්ම ශාලා කරවීම, සැරසීම, ඒවාට පහන් පැදුරු ආදිය සැපයීම

13. ධර්මාසන කරවීම හා ඒවාට ඇතිරිලි, උඩු වියන් බුමුතුරුණු, පාවාඩ පූජා කිරීම

14. ධර්ම දේශකයන් වහන්සේලාගේ පා සේදීම, පය පිස දැමීම, වියන් ඇල්ලීම, පාවාඩ දැමීම

15. පිරිස් වන්දනා, පූජා, ධර්ම සජ්ක්‍ධායනාදි විවිධ පින්කම් වල යෙදවීම

මේ ආදී ධර්ම දානයට උපකාරී වන ලොකු කුඩා සියලු කටයුතු කිරීම ධර්ම දානමය කුසල් ලැබීමට හේතුවන බව සැලකිය යුතුයි. ධර්ම දේශනා කිරීමට භික්ෂූන් වහන්සේ නමක් වඩින විට තමන්ගේ අත්ලේන්සුව හෝ තුවාය හෝ පාවාඩයක් හැටියට එලා සමහර ශ්‍රද්ධාවන්ත උපාසක උපාසිකාවෝ ධර්ම දානමය කුසල් සිදු කර ගනිති. ධර්ම දේශකයන් වහන්සේ දැක නැගිටීම ද වැඳීම ද සාදුකාර දීම ද කුසල් බව සිතට ගත යුතුය. සද්ධර්මාලංකාරයෙහි මෛත්‍රී බුදුන් දකින්නන් දැක්වෙන තැන මෙසේ සඳහන්වේ. ‘බණ කියන ගෙයි පහන් දැල්වූවෝ දකිනි’.

‘බණ කියන්නන් ආචාර උපචාරයෙන් වඩා ගෙනවුත් සකස් කොට බණ පැවැත්වූවෝ දකිති. විජිනිපත් දුන්නෝ ද දකිති. බණ පොත ලියවූවෝ දකිති. තමන් ලියවූ පොත අකුරු ගණනින් චක්‍රවර්තී සම්පත් ආදි වූ සැපත් ලදින් සුවපත් වූවෝ මෙතේ්බුදුන් දකින්නාහුමය. තවද ආමිස ධර්ම දානාදියෙන් සංඝයා වහන්සේට සත්කාර කළාහු දකිත්මය.

පින්වත් යහලුවනේ ධර්ම දානය අට මහ කුසල්වලට අයිතියි. අට මහ කුසල් කියන්නෙ දැනට කරන්න පුලුවන් බලගතුම පින්කම් අටක්. මෙන්න ඒ අට.

1.කඨින සිවුරක් පූජා කිරීම

2.අටපිරිකර පූජාකිරීම

3.ආවාස ගෙයක් තනවා සඟසතුකර පූජා කිරීම

4.බුදුපාමොක් මහ සඟනට සඟ සතු කර දන්දීම.

5.බුද්ධ ධර්ම දානය සිදුකිරීම.

6.සඟ සතු කර හෝ බුද්ධ පූජා වශයෙන් කෙත් වතු පිදීම

7.බුදු පිළිම සෑදවීම, චෛත්‍ය විහාරගෙවල් මුලසුන් ආදිය සෑදවීම

8.වැසිකිළි තනවා සඟසතු කර පිදීම.

යන මේ පිංකම් අට අටමහා කුසල් නම්වේ. මේ පින්කම් වල ආනිසංස කියල නිම කරන්න බැහැ. කල්ප කෝටි ගණන් විපාක දෙන පින්කම් මේව. ඒ විතරක් නෙවෙයි. පංච ආනන්තරයි පාපකර්ම හැර ( මව මැරීම, පියා මැරීම, රහතුන් මැරිම, බුදුන්ගේ ඇගේ ලේ සෙලවීම, සංඝභේදය )අනිත් සියලු පව් යටපත් කරන්න තරම් මේ පින්කම් බලවත්.

ඉතින් මෙවන් දානාදි පින්කම් වලට සම්බන්ධ වූ මගෙ මන්ජු අක්කට වගේම ඔබ සියලු දෙනාගේ නමින් මිය පරලොව ගිය සියලු ඥාතීන් අත්වැරදීමකින් හෝ දුක් සහිත තැනක ඉපදී ඇත්නම් සැපවත් තැනක උපදිත්වා. සැපවත් තැනක ඇත්නම් වැඩි වැඩියෙන් සැප ලැබේවා. කෙලවර අමා හම නිවන අත්වේවා. ඔබගේ බිරිදට, ස්වාමියාට. දූ දරුවන්ට යහපත් අනාගතයක් අතිවේවා. නිදුක් නිරෝගී සුවබර ජිවිතයක් ලැබේවා. විශේෂයෙන් දූ දරුවන්ගේ ඉගෙනීම් සාර්ථක වේවා. සියලු යහපත් පැතුම් සාර්ථක වේවා. කෙලවර පතන බෝදියෙන් නිවන් දැක්මට හේතාවේවා වාසනා වේවා ...

මෙවන් පින්කම් වලට ඔබත් දායක වන්න.

මෙන්න මෙතනින් පුලුවන් චෛත්‍ය රාජයන් වහන්සේ ගොඩනැගීමට දායක වන්න

මේ චෛත්‍යරාජයන් වහන්සේ වෙනුවෙන් ඔබ.් ඔපේ දායකත්වය ලබ‍ාදෙන්න.

අනන්ත බුදුගුණ බෙලෙන් තුන් ලොවම සැනසේවා ... ...

සතවයා කෙරේ අපමණ මෙත් සිතින් ගෞතම බුදුසසුන තුල එරන්ද ලක්මාල් වන මා විසින් සිදුකල සමාජ සත්කාර්යයකි.

ධර්ම දේශනය නරඹන්න මේ මත ක්ලික් කරන්න

 ධර්ම දේශනයේ විශේෂ අවස්ථා