පින්වත් මිතුරියකගේ අනුග්‍රහය මත අද වප් පුන් පෝ දා පිරිකර පූජාවක් සිදුකල වගයි ...

අයුබොවන් පින්වත් යාලුවනේ, පහුගිය ටිකේම එක දිගටම පින්කම් සිදුකරන්න පුලුවන් උනා. මටත් හරිම සතුටුයි. පින්වත් යහලුවො යෙහෙලියො දිගටම පින්කම් වෙනුවෙන් මිල මුදල් ලබාදුන්න පහුගිය ටිකේ. ඇත්තටම මේක ධර්මයේ තියෙන ආශ්චර්යයක්. ධර්මය පිහිට කරන් ජීවත්වෙන කොට ධර්මය විසින්ම අපිට ධර්ම මාර්ගයේ යන්න පාරකපල දෙනව. පින්වත් මිතුරු මිතුරියො මා කෙරේ තබපු විශ්වාසය මම ඒ යුරින්ම රැකල තියෙනව. පින්කම් වෙනුවෙන් එවපු එකම සතයක වටිනාකමකවත් මම  මගෙ පුද්ගලික ප්‍රයොජනයට අරන් නැහැ. මේ සියලු පින්කම් සදහා මම මගෙ අතින් රුපියලක් හරි වැඩියෙන් වියදම් කරනවමයි. අඩුම තරමින් ප්‍රෙට්‍රල් ගාම්තු, දුරකථන ගාස්තුවලනිවත් මම ඒ වියදම කරල ඇති. ඒ නිසා හදවතට එකගව බුදු සිරිපතුල් මත අත තියල දිව්රන්න පුලුවන් මම එක සතයක වංචාවක් මේ එකදු පින්කමකින්වත් සිදුකරල නැහැ කියල. සිදුකල සියලුම පින්කම් පිලිබද විස්තර මේ බ්ලොග් අඩවියෙන්ම බලාගන්න පුලුවන්.

හොදයි. ඊශ්‍රාඉල් වල සේවය කරන පින්වත් නංගියෙක් ඉන්නව මුහුණුපොතේ. හැබැයි මම නම කියන්නෙ නැහැ. එයාගෙ ආරක්ෂාව වෙනුවෙන්. ඉතින් මේ නංගියගෙ දෙමාපියන්ට ඉක්මනින්ම ධර්ම මාර්ගයට ගෙන්නගෙන මේ සසර දුකින් එතෙර කරවන්න නංගියගෙ ප්‍රාර්ථනාව. ඒත් එක්කම නංගිය දැනට ගතකරන නිදහස අඩු ජීවන රටාව ඉක්මනින් වෙනස් වෙලා නංගිය නිදහසේ වැඩ කටයුතු කරගන්න ලැබේවා කියලයි එයා ප්‍රාර්ථනා කරන්නෙ.

                       පින්වත් යාලුවනේ මේ නංගියට වැඩ කරන්න තියෙන්නෙ සතියට දවස් හයයි. ඒත් මේ නංගිය දවස් හතම වැඩ කරල එක දවසක පඩිය ඉතුරු කරගෙන පින්කම් කරනව. තමන්ගෙ නිදහස සසුන වෙනුවෙන් කැප කරන මේ පින්වන්තිය සිදුකරන්නෙ පුංචි පින්කමක් නම් නෙවෙයි. තමන්ගෙ නිදහස සසුනට පුදන්න තරම් අගේ පින්බර හදවත ධර්මාවබෝධයෙන් පිරිල.

මේ පින්වත් නංගිය සිදුගල පින්කමට මම උදාහරණයක් දෙන්නම්. මේ කථාව උපුටාගත්තෙ පොල්වත්තේ බුද්ධදත්ත මහ නාහිමියන්ගේ ‘ඉතා පැරැණි සිංහල බණ කතා’ පොතෙන්.

සුමන බාලිකාවගේ කථාව

********************

තාම්‍රපර්ණි දිවයින වනාහි තුන්සියයක් යොදුන් දිගැත්තේ ය. හැම පැත්තෙන් සාගර ජලයෙන් වටවිය. සඳමඬලේ හැඩහුරුකම් ඇතිවිය. ඒ ද්වීපයෙහි වූ අනුරාධපුර නමැති නගරය ශක්‍ර දේවේන්ද්‍රයාගේ පුරය මෙන් බබළයි. ඒ නගරයෙහි තිස්ස නම් උපාසකයෙක් ඔහුගේ දූ වූ සුමනා නම් බාලිකාවක් සමග වෙසේ’ ඕ තොමෝ එක් දිනක් පියා සමග දබරකොට කෝපයෙන් යුතුව ගෙයින් පිටවී කඩරොද නම් තැනට පැමිණ වනයට වැද සත්දිනක් ආහාරපාන නැතිව සාපිපාසාවෙන් මැඩී ගසක් මුල හුණි. පියා පසුව ගොස් වනයෙහි ඇය සොයා නොදැක ශෝකයෙන් මඩනාලදුව හැරී ගියේ ය. අන්කිසි මිනිසෙක් බත්මුලක් අතේ ඇතිව ගමනක් යන්නේ එහි හුන් ඇය දැක කරුණාභරිත වූයේ ධීතෘසෙනෙහය උපදවාගෙන මෙසේ කීය:

 “දුව, මේ ආහාරය ඔබට දෙමි. එය කැමති සේ අනුභව කොට ශරීර ශක්තිය ලබාගෙන කැමති තැනකට යව”යි. ක්ලාන්ත වූ මාගේ ශරීරය දුර්වලය, මට ආහාර රුචි නොවේ; එබැවින් මෙය ගෙනයනු මැනවි; ඔබට මාර්ගෝපකරණ වන්නේය”යි දැරිය කීය. “මා විසින් එය පරිත්‍යාග කරන ලදී, ඔබට කැමති දෙයක් කරනු මැනවි. මම වැඩිදුරක් නැති ගමකට යමි”යි මිනිසා කීය.

ඉක්බිති ජීවිතයෙහි අපේක්‍ෂා නැතිව ගස් සෙවනෙහි හොත් ඕතොමෝ මෙසේ සිතී, මේ වනයෙහි යාමත් අපහසුය, දැන් පිනක් කරන්නට කාලය පැමිණියේය. මම පිනක් කොට මරණයට පැමිණෙන්නෙමි” යි. ඕ පොළොවේ අත ගසා යන්තම් නැගිට අත් පා පිසදමා අත්පුඩි ගසා මෙසේ කීය: ඉදින් මහත් ඍද්ධි ඇති බුද්ධ පුත්‍රයෝ මට අනුකම්පා කෙරෙත් නම් ඒ මහාවීරයෝ මෙහි පැමිණ මා අපායෙන් මුදත්වායි. දිවකණින් ඒ කීම ඇසූ පුවඟු දිවයිනේ එක් රහත්නමක් අහසින් ඇවිත් ඇය ඉදිරියෙහි සිටියේය.

පහන් සිතැති සුමනා තොමෝ අතිමහත් පී‍්‍රතියට පත්ව වැඳ ඒ බත ඒ තෙරනමට පිදී. නැවත ඉවතට ගොස් කොළ අතු ඇඳගෙන තමා ඇඳ සිටි වස්ත්‍රය අතට ගෙන තෙරුවන් වෙත අවුත් ස්වාමීනි, මේ මාගේ අන්තිම දානය සම්පූර්ණ එකක් වේවා: නෑයන් නැති දුගී වූ මාගේ මේ වස්ත්‍රය පිළිගත මැනවැ”යි කීය.

රහත් තෙරනම එය ද පිළිගෙන හංසරාජයකු මෙන් අහසට නැගී ආර්යයන්ගේ වාසස්ථානයට පැමිණියේය. සා පිපාසාවෙන් පෙළුණු ඈ මොහොතක් වාඩිවී සිට දුක ඉවසිය නොහැකිව මුර්ඡා වී බිම වැටුණි. හෙළදිව යම් පමණක් දේවතාවෝ වෙත්නම් ඒ සියලු දෙන ඒ දානයට පසසමින් සාධුකාර දුන්හ: “අහෝ ඉතා වටිනා දානයකි, දක්ෂිණාර්හයන් කෙරෙහි ආහාරයද සළුව ද දී ජීවිතය පරිත්‍යාග කරන ලදැ”යි, ඉක්බිති ඒ ශබ්දය ඇසූ සක්දෙව් රජ ඇයට සාත්තුසප්පායම් පිණිස විශ්වකර්මයා යැවී, දෙව්රජු විසින් එවන ලද හෙතෙමේ ලෝම කූපයන්හි දිවෙය්‍යීජස් බහා ඇය සුවපත් කෙළේ ය.

විශ්ව කර්ම තෙමේ සුවපත් වූ ඇය දෙවඟනක් මෙන් සරසා ඒ කාරණය ප්‍රකාශ කරමින් අහසින් නුවරට ගියේය. ඒ ශබ්දය අසා ද්විපාධිපති වූ රජ ඇය තමාගේ භාර්යා තනතුරෙහි තැබීම සඳහා ගෙන ඒමට රථයක් යැවීය. ඈ එහි ජීවත්ව සිටිතාක් රජු සමඟ සම්පත් අනුභව කොට නොයෙක් පින් රැස්කර ගෙන පිදිය යුත්තන් පුදා ආයුෂය ගෙවී ගිය කල්හි භික්ෂූන්ට මෙසේ කීය:

චාතුර්මහාරාජික – තාව - තිංසාදි දෙව්ලෝවලින් ආ රථ මෙහි තිබෙත්. ස්වාමිවරුනි, කොතැන්හි ඉපදීම යහපත්ද? ලෝක හිතෛෂීන්ට කවර තැනක් වාසත්ථානවීද? කොතැනක උගත් දෙවියෝ නිතර ධර්මශ්‍රවණය හා ඝෝෂණය කරත්ද? “තුසිතපුරය පුරුෂෝත්තමයන්ගේ වාසස්ථානයකි. එහි හැමකල්හි ධර්ම ශ්‍රවණය පවතී. ඒ තුසිත දෙව්ලොවෙහි ඇලීම කරව.” ඒ දේවී තොමෝ එක්කළ දෙ අත් නැමති පියුම හිසමත තබාගෙන බුද්ධපුත්‍රයන්ගේ කීම අසා තුසිත පුරයෙහි ඉපදීමට කැමති විය. අප්‍රමේය ගුණයන්ට වාසස්ථාන වූ මනා කෙතෙහි දක්ෂ ජනයෝ පින් නැමැති බීජ වපුරති. ඔවුහු බොහෝ කලක් දෙව් මිනිස් සැප අනුභව කොට පසුව නිවන් සැපද ලබත්.

බුද්ධානුශාසනය පිළිපදින්නා වූ අප්‍රමේය ගුණ ඇති යම් කෙනෙක් වෙත් නම් ඔවුහු බොහෝ භය ඇති සංසාර සාගරයෙන් එතෙරව අමෘතය නමැති මී පැණි අනුභව කරත්.

පේනව නේද පින්වත් නංගිය සිදුකරන පින්කමේ තරම.  මේ වගේ  පින්කම් සිදුකරන නංගියෙ. ඔයා බලාපොරොත්තු වෙනව වගේ කෝටි ප්‍රකෝටි වාර ගණනක් ඔයාගෙ ප්‍රාර්ථනාව ඉටුවෙනව.

පිරිකර පූජාව තුළින් ද මහත් වූ අනුසස් ලැබේ. ඒ අනුසස් අතර සසර උපදනා ආත්ම භාවයන්හිදී විෂ ඝෝර සර්පයන් ගෙන් ද මැසි මදුරු ආදී සත්වයන් ගෙන් ද හානි සිදු නොවන බවත් එසේම හොරි දද වණ කුෂ්ට කඩුවේගන් පිළිකා සමාජය පිළිකුල් කරණ දරුණු රෝගී තත්ත්වයන්ගෙන් වන දුක් කරදර සිදු නොවන බවත් කණු කටු උල් ආදිය ඇණීම නිසා වන හානි වැළකෙන බවත් පණ්ඩක නපුංසක ආදී තත්ත්වයන්ට මුහුණ පෑමට සිදු නොවන බවත් දැක්වේ. දෙව් මිනිස් දෙගතියෙහි උපත ලබා සැප විඳීන්න අවස්ථාව උදාවෙන බවද දැක්වෙනව.

එසේම මෙම පිරිකර පූජාවේ අනුසස් වශයෙන් පිරිමි අයෙකුට නම් අන්තිම ආත්ම භාවයෙහි දී ඒහි භික්ෂූ භාවයෙන් මහණ උපසම්පදාව ලැබ සසර නිමා කිරීමට ලැබෙන බවත් කාන්තා පක්ෂයේ අයහට නම් විශාඛා මහා උපාසිකාවන්ට ලැබුණ වූ මහලිය පළඳනාව වැනි වටිනා ආභරණ ලබා ගැනීමට අවස්ථාව උදාවන බවත් ඒවාද ශාසනය වෙනුවෙන් වියදම් කොට උතුම් වූ නිවනට පත් වීමට භාග්‍ය උදාවන බවද සඳහන් වෙනවය.

අනිත් කාරනේ මේ පිරිකර දුන්නෙ බොහොම දුගී දුප්පත් උදවියට. ඔය පින්තූරෙ බලන්නකො පුංචි උපාසක අම්ම කෙනෙක් ඉන්නව. එයාට ගොඩක් වයසයි. නමුත් ශරීරය වැඩිල නැහැ. ඔතන පිලිකා රෝගයකින් පෙලෙන කෙනෙකුත් ඉන්නව. ඉතින් බලන්න මොන තරම් උත්තම පින්කමක්ද මේ.

ඉතින් මේ පින්කමේ අනන්ත අ‍ානුභාවයේ බලයෙන් නංගියගෙ දෙමාපියන්ට ඉක්මනින් සත්‍යය වැටහෙන්න කියල අපිත් ප්‍රාර්ථනා කරමු. ඒ අයට නිදුක් නිරෝගී චිර ජීවනය ලැබේවා ... නංගියගෙ මියගිය ඥාතීන්ට පින් ලැබිල ඒ ඇත්තො දුකින් ඉන්නවනම් සැපතටත් සැපෙන් ඉන්නවනම් තව තවත් සැපතටත් පත්වේවා.

ඒ වගේම නංගියගෙ ජීවිතය තව තවත් සාර්ථක බවට පත්වේවා. පුංචි පුංචි කරදර බාධක කොයි ජීවිතේටත් පොදු දේවල්. ඒ උනත් මේ මහ පින්කමේ බලයෙන් නංගියට සියලු දුක් කරදර සංසිදේවා. සියලු පැතුම් ඉටුවී මත් නිවනින් සැනසෙන්න හේතුවාසනා වේවා.

මේ පින්කමට රෙදි ආදිය ගේන්න මම ගියෙ නැහැ. ඒව කොළම ඉන්න සරත් කියල අයිය කෙනෙක් තමයි සිදු කලේ. එයා තමන්ගෙ කාලය ධනය වියදම් කරගෙන මේවට දුවල පැනල වැඩ කරනව. ඉතින් අයියෙ ඔයා සිදුක්නනෙත් අමිල මෙහෙයක්. ඔයාටත් පවුලේ අයටත් නිදුක් නිරෝගී සුවය ලැබේවා. කෙළවර අමා නිවන් සුවය ලැබේවා.

මේ පින්කම සිදුකිරීම තුලින් මෙවන් පින්කම් වැඩි වැඩියෙන් සිදුකරන්නට ශක්තිය මා වෙත ලැබේවා. ඉදිරියේ දී සිදුකරන්නට බලාපොරොත්තුවන ලෝක ශාසනික සේවා සියල්ල අතිශයින් සාර්ථක වේවා. ඒ සියල්ලට උරදෙන මුහුණුපොතේ මගෙ අම්ම වෙච්ච මගෙ මංජු අක්කටත් නිදුක් නිරෝගී සුවයම ලැබේවා. සසර කථරේ අතරමං වී නිරා දුක් විදින අසරණ සත්වයන් නිවන් මගට රැගෙන යාමට මා පතන බෝධියෙන් අමා මහ නිවනම අත්වේවා.

ඔබත් මෙවන් පිරිකර දානයකට දායක වන්න. පහත ලින්ක් එකෙන් විස්තර දැනගන්න.
https://www.facebook.com/photo.php?fbid=609582972424913&set=a.341796045870275.80280.100001196487578&type=1&relevant_count=1&ref=nf

මම සත්වයා කෙරේ හිත සුව කැමති එරන්ද ලක්මාල්ද.

පිරිකර ධර්ම ශාලාවට අරන් ආව මොහොත

              

 සිල් ගත්ත උපාසක අම්මල

 ස්වාමින් වහන්සේ පිරිස මෙහෙයවමින් 

පිරිතර බෙදාදුන්නෙමි .. 

 දායක සභාවේ සභාපති අතිනුත් ...

පිරිකර බෙදා දුනිමි ..

 පිරිකර ලබා ...

මේ වෙනුවෙන් වැයවූ වියදම

.

දිලිදු පාසැලකට තූර්ය වාදන භාණ්ඩ පරිත්‍යාග කල වගයි ...

 

පින්වත් යාලුවනේ අපි තවත් පින්කමක් සිදුකලා අද. ඒක කියන්න කලින් කලින් කල පින්කම් දැකල නැති අයට මෙන්න මේ ලින්ක් එක බලන්න දෙමුකො. පින්වත් යාලුවනේ අපි කලින් සිදුකල සියලු පින්කම් මෙන්න මෙතන තියෙනව.

http://www.sasuna.blogspot.com/

හොදයි යහලුවනේ අද අපි අඩු ආදායම් ලාභී දරුවන් ඉගෙනගන්නා පාසැලකට අපි සංගීත භාණ්ඩ වගයක් පරිත්‍යාග කලා.  මේ පළමු අදියර විදිහටයි පරිත්‍යාගය සිදු කලේ. ඉතින් මේ පාසැලේ දිනපතා බුද්ධ පූජාව තියන බව විදුහල්පති තුමා සදහන් කලා. අපි තම්මැට්ටම් දෙකක්, දවුල් දෙකක් හා හොරණැවක් පරිත්‍යාග කලා. ඒ පා‍සැල තමයි කුරැණැගල මල්පිටිය බෝයගනේ මහා විද්‍යාලය.  අවශය ඕනිම කෙනෙකුට මේ සියලු පින්කම් සිදුකල ස්ථාන බලන්න පුලුවන්.

ඉතින් මේ පින්කම සිදු උනෙත් ඔය කලින් උදව් කල අයගේම මූල්‍ය ආධාරය යටතේම තමයි. අපි ඊයෙ පාසැලක දරුවන්ට නිල ඇදුම් පරිතයාගයක් සිදු කලා කියල ඔබ දන්නව නේද? මේ තියෙන්නෙ ඒ ලින්ක් එක.

http://www.sasuna.blogspot.com/2013/10/blog-post_10.html

මෙහි සදහන් වන විදිහට රුපියල් 12 430/= ක් ඉතිරිවෙලා තියෙනව. ඉන් අපිට රුපියල් 11,000/= ක්මේ පරිත්‍යාගය වෙනුවෙන් වියදම් උනා. ඉතිරි 1430/= පොතේ ඉතිරිවෙලා තියෙනව. ඒක වෙන පින්කමක් වෙනුවෙන් යොදවන්න බලාපොරොත්තු වෙනව.

මේ පින්කම් වලට ඉහත සදහන් කල පින්කම සිදුකල අයම  දායක උනා.

ලයනල් ගුණතිලක මහතා

දිනුෂ විජේතුන්ග මහතා

රුවන් එස්. ජයසිංහ මහතා

නෙවුශිකා හේරත් මිය

චාමර මහතා

බියන්කා තෙන්නකොන් මිය

ජගත් කුමාර මහතා රුවන් හෙට්ටිආරච්චි හා  මනෝරි දමයන්ති හෙට්ටිආරච්චි යුවල

නදුන් සිල්වා හා නෙහාරා සදමාලි සිල්වා යුවල

මංජුලා මිය

රන්ජිත් මුණසිංහ මහතා

රේණුකා හේරත්  මිය

රත්න මැද්දෙගොඩ හා චමිලා මැද්දෙගොඩ යුවල

නලින් කොඩිතුවක්කු මහතා

මේ පින්කම මහා ආනිසංස දෙන පින්කමක්. ශබ්ද පූජාව කියන්නෙ පුංචි පින්කමක් නෙවෙයි. මේ තූර්ය භාණ්ඩ යොදාගෙන බුද්ධ පූජාව වඩමවයන්න විදුහල්පති තුමා බලාපොරොත්තු වෙනව. ඒක මහත්ඵල මහානිසංස දෙන පින්කමක්.

 

බෞද්ධයන් කරන පින්කම්වලින් ශබ්ද පූජාව ද එකකි. එය මහත් මහත් පින්කම්වලට තිබිය යුතු ම අංගයක් ලෙස බොහෝ බෞද්ධයෝ සලකනව. ඒ ශබ්ද පූජාව ඉතා අතීතයේ පටන් ම කැරුණු බව පිටකත්‍රයෙන් හා අටුවාවලින් ද වංශකථාවලින් ද පේනව.

ප්‍රාතිහාර්‍යයෙන් බුදුරදුන් වඩනා කල්හි මග දෙපස ගෙවල ඇති බෙර වීණා ආදි තූර්ය භාණ්ඩ වලින් ඉබේ ම නාදය නගින්න පටන් ගන්නා බව ද බොහෝ පොත්වල කියා තිබේ. එයින් පෙනෙන්නේ ශබ්දයත් බුද්ධ පූජාවට අවශ්‍ය අංගයක් බව යි.

පින්කම්වල අනුසස් දක්වා ඇති අපදාන විමානවත්ථු ආදි ග්‍රන්ථවල මල් පූජා, ආහාර පූජා, වස්ත්‍ර පූජා කිරීමෙන් නොයෙක් අනුසස් ලැබූ අය පිළිබඳ බොහෝ කථා තියෙනව. ඒවායේ ද ශබ්ද පූජාවේ අනුසස් දැක්වෙන කථා දුර්ලභය. අපදාන පාළියෙහි පමණක් ශබ්ද පූජා කළවුන් පිළිබඳ කථා දෙක තුනක් දක්නා ලැබෙනව. ඒවා ද බෝධිවලට ශබ්ද පූජා කිරීම පිළිබඳ කථා ය.

අත්ථදස්සි බුදුරදුන් පිරිනිවීමෙන් පසු ඒකාසනිය තෙරුන් වහන්සේ වරුණ නම් දෙව් රජෙක්ව සිට සියලු තූර්ය භාණ්ඩයන් ගෙන සිය පිරිස ද සමඟ ඒ බුදුරදුන්ගේ බෝධිය වෙත ගොස් තූර්යවාදනයෙන් හා නැටුමෙන් ගැයුමෙන් ද බෝධි පූජාවක් කළ බවත් ඒ පිනෙන් දිව්‍යරාජව නිර්මාණරතියෙහි උපන් බවත්, එතැන් පටන් සසර දෙව්මිනිස් දෙගතියේ සැප විඳ අප බුදු සසුනෙහි පැවිදිව රහත්වූ බවත් එකාසනියත්ථෙර අපදානයෙහි දැක්වෙනව..

ඉතින් මෙවන් මහ පින්කමක් සිදුකරමින් පාසෙලේ බුද්ධ පූජාව වැඩමවීමෙනුත්, මේ අසරණ දූදරුවන්ට ඉගෙනීමට අවස්ථාව ලබාදෙමිනුත් සිදුකල මේ මහා කුසල් සම්බාරයේ බලයෙන් ඔබට අනන්ත අප්‍රමාණ කුසල් ලැබෙනව.

මෙහි අනිකුකත් රූපරාමු මෙහි පහල දක්වල තියෙනව.

ඉතින් පින්වත් යහලුවනේ බුද්ධ පූජාව වැඩමවීමේ ශබ්ද පූජාව ලබාදීමෙනුත් මේ දරුවන්ට ඉගෙන ගන්නට තූර්ය භාණ්ඩ ලබාදීමෙනුත් ඔබ පබන පින් ඊයෙ සිදුකල පින්දීමම විදිහටම මේ පින්කම වෙනුවෙනුත් සිදු කරන්නම්. මේ සිදුකලේ බුද්ධ පූජාවක්.  බුදුහාමුදුරුවො තමයි දානයේ ආනිසංශ අපිට කියල දුන්නෙ. ඉතින් ඒ බුද්ද වචනයට ගරැකරමින් තමයි අපි මේ පූජාව සිදුකලේ. විශේසයෙන්ම ශප්ද පූජාව නිසා මිහිරි කටහඩවල් ඇතිවෙනව. පැහැදිලි වචන ඇතිවෙනව.  තමන්ගෙ වචනයට හැමෝම අවනත වෙනව. මේවගේ ආනිසංස රැසක් ලැබෙනව. ඉතින් මේ පින්කම සිදුකරන්නට මූල්‍ය දායකත්වය ලබාදුන් ඔබවන් පින්වත් දරුවන් බිහිකල ඒ උතුම් දෙමාපියන්ට මේ පින් ලැබී දීර්ඝායුෂ ලැබේවා. ඔවුන් මිය පරලොව ගිහින් ඇත්නම් මේ පින් බලෙන් සැපතින් සැපතටම පත්වේවා. අත්වැරදීමකින් වත් යම් කිසි අභව්‍ය ස්ථානයක සිටීනම් ඉන් මිදී සුගතාගාමි වේව‍ා. ඔබේ දරුවන්ටද සොයුරු සොයුරියන්ටද ඥාතීන්ටත් ඉතා හොදින් අධපාන කටයුතු කරගෙන යාමට මේ පින් හේතුවාසනා වේවා. මේ පින්කමට දායක වූ ඔබටත් මතක ශක්තිය, ධාරණ ශක්තිය, වර්ධනය වී ඔබේ සියලු කටයුතු සාර්ථක වේවා. උපන් හැම භවයකම ඉහලම බුද්ධි මට්ටම්වල වැජඹෙමින් සියලු ඉගෙනීම් කටයතු ඉහලින්ම සාර්ථක කරගන්නට හැකියාව ලැබේවා. කෙළවර මෙපින් බෙලෙන් චතරාර්ය සත්‍යය අවබෝධය තුලින් පතන බෝධියෙන් උතුම් නිවන් මග අවබෝධයට හේතුවාසනා වේවා ...

මේ පිනට ඔබ වෙනුවෙන් දායක වීමෙන් ලබන අප්‍රමාණ පුණ්‍යස්කන්ධයෝ මෙවන් පින්කම් වැඩි වැඩියෙන් සිදුකිරීමට ශක්තිය ලබා දේවා ... ගෞතම සාම සංදේශය ලෝපුරා ගෙනයමින් සත්වග සිත් දුක්ගිනි සිදලන්නට හැකියාව ලැබේවා ... මා පතන බෝධියෙන් උතුම් නිවන් මගට පිවිසෙමින් ලෝ සත දුකින් මුදවාලන්නට මේ පින් හේතුවාසනා වේවා ...

සත්වග කෙරේ අපමණ මෙත් සිතින් එරන්ද ලක්මාල් විසින් ගෞතම බුදු සසුන තුලදීය ...

දෙවන අදියර ලෙසින් දිලිදු දරුවන්ට පාසැල් නිල ඇදුම් ලබාදුන් වගයි ...

 

පින්වත් යාලුවනේ අපි තවත් පින්කමක් සිදුකලා අද. ඒක කියන්න කලින් කලින් කල පින්කම් දැකල නැති අයට මෙන්න මේ ලින්ක් එක බලන්න දෙමුකො. පින්වත් යාලුවනේ අපි කලින් සිදුකල සියලු පින්කම් මෙන්න මෙතන තියෙනව.

http://www.sasuna.blogspot.com/

හොදයි යහලුවනේ අද අපි අඩු ආදායම් ලාභී දරුවන් කිහිප දෙනෙකුට නිල ඇදුම් පරිත්‍යාග කලා. මේ ක්‍රියාත්මක උනේ දෙවන අදියර විදිහටයි. පළමු අදියර පිලිබද මෙන්න මේ ලින්ක් එකෙන් බලාගන්න පුලුවන්.

ඉතින් මේ පින්කම සිදු උනෙත් ඔය කලින් උදව් කල අයගේම මූල්‍ය ආධාරය යටතේම තමයි. මා ගැන විශ්වාසය තබමින් මේ මුදල් ලබාදුන් ඒ පින්වත් සොයුරු සොයුරියන්ට උපහාරයක් විදිහට මම නැවත ඒ අයගේ නම් මෙතන පල කරනව.

ලයනල් ගුණතිලක මහතා

දිනුෂ විජේතුන්ග මහතා

රුවන් එස්. ජයසිංහ මහතා

නෙවුශිකා හේරත් මිය

චාමර මහතා

බියන්කා තෙන්නකොන් මිය

ජගත් කුමාර මහතා රුවන් හෙට්ටිආරච්චි හා  මනෝරි දමයන්ති හෙට්ටිආරච්චි යුවල

නදුන් සිල්වා හා නෙහාරා සදමාලි සිල්වා යුවල

මංජුලා මිය 

රන්ජිත් මුණසිංහ මහතා

රේණුකා හේරත්  මිය

රත්න මැද්දෙගොඩ හා චමිලා මැද්දෙගොඩ යුවල

මේ පිලිබද සියලු විස්තර පලමු අදියර ගැන කියවෙන මේ ලින්ක් එකෙන් බලන්න පුලුවන් ...

http://www.sasuna.blogspot.com/2013/09/blog-post_3539.html

පසුව දෙවන අදියර වෙනුවෙන් තව යහලුවක් = 2500/=ක මුදලක් ලබා දුන්නා. එතකොට  මේ සියල්ල

17100.00 + 2500 = 19600 ක් වෙනව.

ඉතින් අපි දෙවන අදියර වෙනුවෙන් ගත් නිල ඇදුම් වලටය රු. 7170/= ක් වියදම් උනා.

ඒ පිලිබද බිල්පත්වල ෆොටෝ එක්ක සියලු විස්තර පහල සටහන් වෙනව.

ඉතින් තව රුපියල් 12430/= ක මුදලක් ( 19600 - 7170 = 12430) ඉතිරිවෙලා තියෙනව. ඒ මුදල් වලින් හෙට අනිද්ද පාසැලකට සංගීත භාභ්ඩ අරන් දෙන්න කල්පනා කලා.

ඉතින් පින්වත් යාලුවනේ මේ පින්කමට තවත් අයෙක් ලොකුවට උදව් කලා. ඒ සරත් කුමාර අයිය. එයා තමයි කොලඹ ගිහින් කඩවල් කානෙ ඇවිදල අතින් වියදම් කරන් මේ පින්කම් දෙකටම සහය දුන්නෙ.  ඉතින් එයාටත් අපි හදවතින්ම ස්තුති වන්ත වෙන්න ඕනි.

ඉතින් පින්වත් යහලුවනේ මේ සිදුකලේ බුද්ධ පූජාවක් බුදුහාමුදුරුවො තමයි දානයේ ආනිසංශ අපිට කියල දුන්නෙ. ඉතින් ඒ බුද්ද වචනයට ගරැකරමින් තමයි අපි මේ පූජාව සිදුකලේ. ඉතින් මේ පින්කම සිදුකරන්නට මූල්‍ය දායකත්වය ලබාදුන් ඔබවන් පින්වත් දරුවන් බිහිකල ඒ උතුම් දෙමාපියන්ට මේ පින් ලැබී දීර්ඝායුස ලැබේවා. ඔවුන් මිය පරලොව ගිහින් ඇත්නම් මේ පින් බලෙන් සැපතින් සැපතටම පත්වේවා. අත්වැරදීමකින් වත් යම් කිසි අභව්‍ය ස්ථානයක සිටීනම් ඉන් මිදී සුගතාගාමි වේව‍ා. ඔබේ දරුවන්ටද සොයුරු සොයුරියන්ටද ඥාතීන්ටත් ඉතා හොදින් අධපාන කටයුතු කරගෙන යාමට මේ පින් හේතුවාසනා වේවා. මේ පින්කමට දායක වූ ඔබටත් මතක ශක්තිය, ධාරණ ශක්තිය, වර්ධනය වී ඔබේ සියලු කටයුතු සාර්ථක වේවා. උපන් හැම භවයකම ඉහලම බුද්ධි මට්ටම්වල වැජඹෙමින් සියලු ඉගෙනීම් කටයතු ඉහලින්ම සාර්ථක කරගන්නට හැකියාව ලැබේවා. කෙළවර මෙපින් බෙලෙන් චතරාර්ය සත්‍යය අවබෝධය තුලින් පතන බෝධියෙන් උතුම් නිවන් මග අවබෝධයට හේතුවාසනා වේවා ...

මේ පිනට ඔබ වෙනුවෙන් දායක වීමෙන් ලබන අප්‍රමාණ පුණ්‍යස්කන්ධයෝ මෙවන් පින්කම් වැඩි වැඩියෙන් සිදුකිරීමට ශක්තිය ලබා දේවා ... ගෞතම සාම සංදේශය ලෝපුරා ගෙනයමින් සත්වග සිත් දුක්ගිනි සිදලන්නට හැකියාව ලැබේවා ... මා පතන බෝධියෙන් උතුම් නිවන් මගට පිවිසෙමින් ලෝ සත දුකින් මුදවාලන්නට මේ පින් හේතුවාසනා වේවා ...

සත්වග කෙරේ අපමණ මෙත් සිතින් එරන්ද ලක්මාල් විසින් ගෞතම බුදු සසුන තුලදීය ...

නිල ඇදුම් ලද දරුවන්

 

 පාසැලේ දර්ශන

 

 විදුහල්පති තුමාගේ ස්තුතිය

 

රෙදි මිලට ගත් බිල්පත

මුහුණුපොතේ පින්වත් මිතුරියකගේ දායකත්වයෙන් රු. 5000/-ක් ගෞතම බුදුසසුනට පූජාකල වගයි ...

පින්වත් යාලුවනේ අපි තවත් පින්කමක් සිදුකලා අද. ඒක කියන්න කලින් කලින් කල පින්කම් දැකල නැති අයට මෙන්න මේ ලින්ක් එක බලන්න දෙමුකො. පින්වත් යාලුවනේ අපි කලින් සිදුකල සියලු පින්කම් මෙන්න මෙතන තියෙනව.

http://www.sasuna.blogspot.com/

හොදයි. අපේ ගමට ගම් දෙකකට එහායින් අභිනවයෙන් චෛත්‍යරාජයන් වහන්සේ නමක් ඉදිකලා. ඒ පන්සල තියෙන්නෙ පොල්ගහවෙල කොළඹලාමුල්ල ප්‍රදේශයේ. ඉපැරණි විහාරස්ථානයක්.  ඉතින් අද ඒ චෛත්‍යරාජයන් වහන්සේගේ ධාතු නිධානොත්සවය සිදු කලා. ඉතින් රාජකාරි කටයුතු නිසා මේ අවස්ථාවට සම්බන්ධ වන්න බැරි අනා. හවස මගෙ පියතුමා සමගින් ගිහින් චෛත්‍යරාජයන් වහන්සේ සංවර්ධන අරමුදලට මුදල් පරිත්‍යාග කලා.

               අපි මේ වෙනුකොට තවත් චෛත්‍යරාජයන් වහන්සේ නමක් ප්‍රතිසංස්කරනය කරගෙන යනව. ඒ ලින්ක් එක මෙන්න මෙතනින් බලන්න පුලුවන්.

http://www.sasuna.blogspot.com/2013/08/148-610.html

ඉතින් යාලුවනේ මේ පින්කමට මුදල් පරිත්‍යාග කලේ මුහුණුලොතේ අක්ක කෙනෙක්. එයා මුහුණු පොතේ මගෙ ලගම හිතවත් අක්ක කෙනෙක්. මේක එයා තනියම සිදුකල පරිත්‍යාගයක් නිසා මෙතන මම එයාගෙ නම දාන්නෙ නැහැ. නමුත් මම කලින් දුන්න බ්ලොග් එක බලන්නකො. ඒකෙ පින්කම් වැඩි හරියකටම ඒ අක්ක දායක උනා. ඒ විතරක් නෙවෙයි. මම මේ සිදුකරන ශාසනික කටයුතු වලදි මගෙ ලගින්ම ඉදන් ඒව ගැන හොයල බලන්නෙ මේ අක්ක. හරියට මගෙ මුහුණු පෝතේ ඉන්න අම්ම මෙයයි.

හොදයි මේ පින්කම සිදු කිරීමේ ආනිසංශ මොනවාද?

ඉතින් පින්වත් යහලුවනේ චෛත්‍යරාජයන් වහන්සේ නමක් ඉදිකිරීම, ප්‍රතිසංස්කරණය කිරීම ‍ප්‍රමාණය කල නොහැකි කුසල කර්මයක්. මෙපමණයි කියල කියන්න බැහැ එහි ආනිසංශය. වැලිවලින් කුඩා චෛත්‍යයක් හදල දොඹමල් පූජ කරල අප්‍රමාන දිව්‍ය සම්පත් ලද කථාව ඔබ අහල ඇති.

සකුලා තෙරණිය කාශ්‍යප බුදුරජුන් පිරිනිවීමෙන් පසු උන් වහන්සේගේ චෛත්‍යට එක් රැයක් එක් පහනක් පුදා පහත සදහන් ආනිසංශ ලැබූ බව ථේරී අපදානයේ දැක්වේ,

1.හැම තැනම ප්‍රදීප දැල්වේ.

2.දිවැස් ලැබේ,(දිව්‍යමය ඇස්)

3.තීක්ෂණ නුවණ ලැබේ.

4.යසසින් දිලිසෙත්

5.ශ්‍රද්ධාව හා ප්‍රඥාව මනාව පිහිටත්

6.උසස් කුල සම්පත් ඇත්තෙකු වේ.

එසේම මේ ලංකා ද්වීපය පාලනය කල එක්තරා සත්පුරුෂ රජ කෙනෙක් හිටිය ඉස්සර.එතුමා තමයි භාතිකාභය රජතුමා.දුටු ගැමුණු මහා රජතුමාගේ මුනුපුරෙක් වන රජ කෙනෙක් තමයි මෙතුමා.දවසක් එක්තරා ශ්‍රාස්ත්‍රයක් දන්නා මනුෂ්‍යයෙක් මේ රජතුමාට මාරක අපලයක් තිබෙන බව දැන ගෙන එය රජතුමාට සැල කර සිටිනවා.වර්තමානයේ කේන්දර බැලීම ආදී දේ මිත්‍යාවක් යයි කට්ටිය ප්‍රතික්ෂේප කලත් එම ශ්‍රස්ත්ර්ය හරියට ඉගෙන මිනිසුන්ගේ ජිවිත සුරැකීමට නිසි අයුරින් භාවිතා කරනවා නම් එය ගොඩක් වටිනා දෙයක්.ඉතින් අර මනුෂ්‍යය අරවිදියට රජතුමාට කිව්වහම මේ රජතුමා එකල වැඩසිටිය රහතන් වහන්සේලා සම්මුඛ වෙලා උන්වහන්සේලාගෙන් අහනව ඒ අපලයෙන් මිදීමට පිලියමක්.මාරක අපලයක් පැමිණ අකාලයේ මියයාමට හේතුව කලින් භවයන් වල සිදු කල ප්‍රාණ ඝාත අකුසල කර්මය බවත් ඉන් මිදීමට නම් කලයුතු හොඳම දෙය නම් රටේ තිබෙන දිරාගිය අබලන්වී ගිය වෙහෙර විහාර චෛත්‍ය ආදී තුණුරුවනට අයත් දේ මුදල් ශ්‍රමය යොදවා පිළිසකර කර ඒවා ප්‍රතිසංස්කරණය කරදීමෙන් බවත් රහතන් වහන්සේලා රජතුමාට දන්වා සිටිනවා.එමගින් වෙහෙර විහාර පිළිසකර වනවා වගේම තමන්ගේ බොහෝ අකුසල කර්ම යටපත් වෙලා ආයුෂ ආදිය පිරිහී තිබෙනවා නම් විහාර පිළිසකර කලාවගේම තමන්ගේ ආයුෂත් පිලිසකරවෙලා මාරක අපල ආදිය දුරු වෙලා ආයුෂ වැඩි වෙනවා. මෙය දැනගත් රජතුමා එවකට ලංකා ද්වීපයේ තිබුණ සියලුම වෙහෙර විහාර ආදිය හොඳින් පිළිසකර කරනවා.අර මනුෂ්‍යයා සඳහන් කල මාරක අපල කාලය ගෙවිගියත් රජතුමාට කිසිඳු අන්තරාවක් නොවී රජතුමාගේ ජීවිතය බේරෙනවා.

ඉතින් පින්වත් යහලුවනේ මෙවන් මහා පින්කමකටයි අද මේ අක්ක දායක උනේ.  ඉතින් මේ පින්කමට සම්බන්ධ වූ ඔබ‍ටත් පවුලේ සැමටත් නිරෝගී සුවයම ලැබේවා. ජීවත්වන ඇත්තන්‍ට  ස්වභාවිකව ඇතිවන පංචස්කන්ධ‍යේ දුර්වලකම් පවා අවම මට්ටමකට පත්වේවා. ඇස් පෙනීම අඩුවීමෙන් කණ් ඇසීම අඩුවීමෙන් ඇතිවන පීඩාවන් පවා අවම වේවා. මියගිය ඥාතීන්ට  ඔවුන් දුක්ඛිත ස්ථානවල සිටීම සුවදායී ස්ථානයන්ට පැමිණේවා, සුවදායි ස්ථාන වල සිටීනම් තව තවත් ඒ සැප සම්පත් වර්ධනය වේවා. මගේ දෙමාපියන්ටත් මේ පින් හේතු වාසනා වී දීර්ඝායුෂම ලැබේවා ...

මෙපින් බලෙන් ඔබ සියලු දෙනාගේම ආයු, වර්ණ, සැප, බල, ප්‍රඥාව යන සියලු කාරණාවෝ වර්ධනය වේවා. ඔබට ඇති දුක් හිරිහැර බාධා සියල්ල දුරුවේවා. සසරේ සිදුකල ආනන්තරිය පාපකර්ම හැර සියලු අකුසල් යටපත් කරන්න පුලුවන් තරම් පින් ඇති මේ කුසලයෙන් ඔබේ සියලු නරක කර්ම විපාක යටපත් වේවා.  සැගවී ඇති පුණ්‍යස්කන්ධයෝ මතුවේවා. හොද නරක හොදින් හදුනාගෙන හොද මගේ යාමට ඔබට වාසනාව ලැබේවා. සම්බුද්ධ ධර්මය හොදින් හදුනාගෙන අවබේධ කරගෙන ඒ මහගේ ගමන් කිරීමටත් කෙළවර පතන බෝධියෙන් අමා මහ නිවනින් සැනසීමටත් ඔබට මේ පින්කම් හේතුවාසනා වේවා.

මෙවන් මහ පින්කමකට ඔබත් දායක වන්න. එහි ලින්ක් එක පමතින් දක්වල තියෙනව.

https://www.facebook.com/photo.php?fbid=594973837219160&set=pb.100001196487578.-2207520000.1381159093.&type=3&src=https%3A%2F%2Ffbcdn-sphotos-b-a.akamaihd.net%2Fhphotos-ak-prn2%2F1265109_594973837219160_598053982_o.jpg&smallsrc=https%3A%2F%2Ffbcdn-sphotos-b-a.akamaihd.net%2Fhphotos-ak-prn1%2F533241_594973837219160_598053982_n.jpg&size=1050%2C650

අනන්ත බුදුගුණ බෙලෙන් තුන්ලොවම සැනසේවා ...

මම එරන්ද ලක්මාල්ද සිල්වා ...

චෛත්‍යරාජයන් වහන්සේ ඉදිවෙමින් පවතී ...